Mellor sería estar calado... Pero case sempre acaba un facendo malas dixestións de tragar tanto aire...

16.8.12

Que me agarren o verán por onde queiran

Pero que mo deixen aí ben postiño.
Non quero volver ás mañás de catro capas de roupa antes de saír da casa.
Quero seguir uliscando as algas a secar na beiriña da praia.
E tomando a clara aínda que sexa erguéndome e sentando cen veces co sol dándome nas pernas.
Ás veces penso que debería emigrar a un país máis cálido.
A min o do iodo e o da vitamina D funcióname case tanto coma outras cousas. Case.
Xa empecei a miña novela. Desta vez vou en serio.
Igual merco unha gravadora en plan película e vouna ditando. Porque o que é tempo para sentar o cu e poñerme ao choio moito non teño.
Seguro que será unha trapallada merdeira. Pero por intentalo que non sexa. Aínda que só rule de pendrive a ordenador e de ordenador a disco-duro.

Ningún comentario:

Publicar un comentario

Como as entradas están escritas desde o respecto, agradécese que os comentarios tamén o sexan...