Mellor sería estar calado... Pero case sempre acaba un facendo malas dixestións de tragar tanto aire...

8.4.14

Imos inventar uns malos... tralará!

Coma en todo bo conto, ten que haber un malo, que faga de antiheroe e sobre o que se descarguen as culpas. Así, o resto de persoal, como catarse, castiga de múltiples maneiras o malo e eleva á categoría de heroe aquela man que infrinxa o castigo e restaure a paz.
Se ETA xa non nos serve, se os independentistas con rabo e cornos cataláns saen nas fotos e xa non son dous gatos, nin uns marxinais, nin parecen a reencarnación do diaño... pois logo inventemos outros malos que nos conveñan.
E así nacen os grupos "de extrema esquerda", "independentistas", "radicais" por exemplo, por estes lares.
Non digo máis pero a eses súper radicais que ameazan a estabilidade e a pax romana, por aquí a policía, en parola distendida da hora do café, denomínaos como "pintaparedes", no mellor dos casos.
A ver se agora é que estamos xa todos tolos ou que.

Eu é que... é que... non flipo máis porque non podo xa.

Ningún comentario:

Publicar un comentario

Como as entradas están escritas desde o respecto, agradécese que os comentarios tamén o sexan...